ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |

សៀមរាបប្រកាសដាក់តំបន់ក្រហមចំនួនពីរ

  • ចុះផ្សាយថ្ងៃទី០១ ខែកញ្ញា ឆ្នាំ២០២១ ម៉ោង ១៥:២៨ នាទី ដោយ Lundy
  • 645
  Aa |   aA

សៀមរាប: ខណៈដែលប្រទេសកំពុងបន្តការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ ខេត្តសៀមរាបបានប្រកាសដាក់តំបន់ក្រហមថ្មីចំនួនពីរ ដូចគ្នានឹងការប្រកាសជាមួយខេត្តជាប់ព្រំដែនផ្សេងទៀតក្នុងការរឹតបន្តឹងវិធានការបង្ការ។ រដ្ឋបាលខេត្តសៀមរាបបានប្រកាសឱ្យដឹងអំពីការដាក់ភូមិប្រឡាយ និងគោកស្នួលជាតំបន់ក្រហម។ ទីតាំងទាំងពីរស្ថិតនៅក្នុងស្រុកពួក ដែលនឹងត្រូវបិទខ្ទប់ទាំងស្រុងរហូតដល់ថ្ងៃទី១៤ ខែកញ្ញា។ វិធានការរដ្ឋបាលផ្សេងទៀតនៅទូទាំងខេត្តនៅតែអនុវត្តដដែលរហូតដល់មានការជូនដំណឹងបន្ថែម។

មិនមែនតែក្នុងខេត្តសៀមរាបទេ ដែលអនុវត្តតំបន់ក្រហមនៅប៉ុន្មានសប្តាហ៍ចុងក្រោយនេះ។ ខេត្តព្រះវិហារដែលនៅជិតព្រំដែនថៃក៏នៅតែបន្តដាក់តំបន់ក្រហម ចំនួនបីភូមិសាស្ត្រ។ ភូមិគូលែនខាងជើង និងគូលែនខាងត្បូង ទាំងក្នុងស្រុកគូលែន ខេត្តនិងស្រុកជាំក្សាន្តទាំងមូលត្រូវបានបិទរហូតដល់ថ្ងៃទី៨ ខែកញ្ញា។ ដូចដែលបានជូនដំណឹងកាលនៅថ្ងៃចន្ទកន្លងទៅនេះ ខេត្តនេះមានករណីថ្មីចំនួន១៣ករណី។

ខេត្តបន្ទាយមានជ័យ ក៏មានតំបន់ក្រហមចំនួនពីរដែរ គឺទឹកថ្លា និងកំពង់ស្វាយ ក្នុងក្រុងសិរីសោភ័ណ្ឌ។ នៅមិនមានព័ត៌មានអំពីរយៈពេលនៃការបិទខ្ទប់នឹងត្រូវបញ្ចប់ពេលណានោះទេ។

ប្រទេសកម្ពុជាកំពុងយកចិត្តទុកដាក់ជាពិសេសចំពោះខេត្តជាប់ព្រំដែន កន្លែងដែលមានករណីឆ្លងវីរ៉ុសបំលែងថ្មីដែលត្រូវបានគេរាយការណ៍ ដែលភាគច្រើនមកពីពលករចំណាក់ស្រុកមកពីប្រទេសថៃវិលត្រឡប់មកព្រះរាជាណាចក្រវិញ៕


ព័ត៌មានជាច្រើនទៀតសម្រាប់អ្នក